Կրկնազատիկը Արևելքի լանջերին

Այսօր կրկնազատիկը նշեցինք Արևելքի լանջերին ։Ամբողջ խոտածածկը լցվել էր զատկական ձվիկներով։Ամեն ուր ծիսական երգ ու պար ։Մեզ հյուր էր եկել կրթության և գիտության նախարար ՝Արայիկ Հարությունյանը։

 

Ավագ ուրբաթ

Ավագ ուրբաթ ,նշեցինք զատկի ծեսը։Չամիչով փլավ եփեցինք, ձու ներկեցինք ,մեզ հետ էր նաև  մեր շատ սիրելի ,ընկեր Նելին։Հավեսով կերանք փլավը  և մի լավ ուրախացանք։

Ավագ հինգշաբթի

Ավագ հինգշաբթի այգեպանները, վերցնելով կացինը, այգի են մտել և, վատ բերք տվող ծառերի բնին կացնի բութ կողմով երեք անգամ հարվածելով, վախեցրել. «Բերք ես տալու, տուր, թե չէ` կկտրեմ»:

Ավագ չորեքշաբթի

Ավագ չորեքշաբթի։
Չորեքշաբթի հիմնովին մաքրել են տները, ամեն վատ, չար, պիղծ, հիվանդություն, կեղտ «չիք են արել»:
Մենք էլ մաքրեցինք մեր խմբասենյակը փոշուց և կեղտից։Հետո սկսեցինք պատրաստել մեր Ակլատիզ պապիկին։

Զատկածառը, ընկեր Երանուհու հետ

Այսօր մեր վերապատրաստվող ՝ընկեր  Երանուհու հետ,սկսեցինք  օրը,մեր պատրաստած շրխկաններով երգելով և զատկական ասիկներ ասելով ։Հետո նախաճաշեցինք և դուրս եկանք բակ։Բակում ընտրեցինք հարմար ծառ և սկսեցինք զարդարել գունավոր ձվերով ։Իսկական զատկածառ ստացվեց ։

Ձվախաղեր

Արևոտ եղանակին դուրս եկանք բակ և իհարկե ընկեր Նելին մեզ հետ էր,իր հետաքրքիր մտահաղացումներով։Այս անգամ ՝զատկի տոնին ընդառաջ, ձվախաղեր խաղացինք։

Ծառզարդար

Սկսում ենք ծառզարդարը։Հավաքեցինք չորացած ճյուղեր ,ադի_ բուդի գնեցինք,տարանք խմբասենյակ և սկսեցինք զարդարել ճյուղերը։

Ձուդատարկոցի

Պատրաստվում ենք մեծ ծեսին՝Զատիկին։Այսօր էլ ձուդատարկոցի էր։Նախ ծակեցինք ձվի վերևի, հետո ներքևի հատվածները,չոպիկով  խառնեցինք և սկսեցինք փչել։

Ածիկացան

Կամաց_ կամաց պատրաստվում ենք ։《Զատկի  ծեսին》։Սկսեցինք ածիկացանից ։Սաները իրենց հետ ցորեն ,լոբի և ոսպ էին բերել, մենք էլ միասին ցանեցինք մեր ածիկը ։

 

Ընտանեկան Ցորենացան